कम्प्युटर एसोसिएसन नेपाल महासंघ (क्यान महासंघ) को आयोजनामा आगामी भदौ १७ देखि २० गतेसम्म सुबिसु क्यान सफ्टेक २०१५ इन एसोसिएसन विथ एक्सेस वल्र्ड हुने भएको छ
। क्यान सफ्टेकको यो सातौं संस्करण कन्भर्जिङ टु ई–लाइफ भन्ने मूल नाराका साथ काठमाडौं प्रदर्शनीमार्गस्थित भृकुटीमण्डपमा आयोजना हुने जानकारी बुधबार काठमाडौंमा आयोजित पत्रकार सम्मेलनमा दिइयो ।
नेपालमा सफ्टवेयर, सोलुसन र सर्भिसेसको विकास तथा विस्तार गर्न क्यानले वर्षैनी सफ्टेक प्रदर्शनी गर्दै आएको छ । यस संस्करणमा राष्ट्रिय तथा अन्तराष्ट्रिय सफ्टवेयर, सोलुसन्स, सर्भिसेस र कम्युनिकेशनसँग सम्बन्धित एक सय ४२ स्टल रहनेछन् । हालसम्म ७० प्रतिशत स्टल बुकिङ भइसकेको जानकारी क्यानका महासचिव विश्वराम बलामीले दिए ।
No comments:
Post a Comment